يابحر جيتك !
يابحرانا جيتك وأنا اخفي هموم
يجيتك وجوفي هم وأحزان والام
جيتك وأنا دمعي يغطي كمومي
وأخفي جروح رافقتني با الأيام
جيتك وفي صدري همومي تحومي
وأكتم عباير سببت كثر الأسقام
أخفيتها حيث إن طبعي كتومي
من خوف يشمت بي عدو ولوام
يفرح بهمي وانكسارة عزومي
وده حياتي كلها ذل وأحطام
جيتك وافضفض لك عناي وغم
وميجيتك أبين لك معاناه الأقلام
برمي عناها فيك وارتاح يوم
يتعبت انا أحملها شهور مع اعوام
لياطرت لي عفت زادي ونومي
ويسري معي همي وخلق الله نيام
من نار وقتي صاب قلبي وسومي
شوف الطعون وشوف نكبات الإجرام
شوف العذاب وطالع أثر السهومي
ياما وياما حطمت فيني أحلام
يابحر بشكي لك زمان ظلومي
اللي على فرحي حكم ظلم وأعدام
وغيري يعيش بفرحة له تدومي
وانا هناء عمري ولا ساعة دام
وياما أرتجيت الحظ مره يقومي
ياللاسف طايح ولامرة قام
تعبت انا حالي وضاعت حلومي
وقلبي تجرع هم دنياه وأنضام
ولايابحر هذي ترى هي علومي
لك أختصرها دون نظرات الانام
جيتك وبرمي فيك سلة همومي
وعساك تقدر حملها اعوام وأعوام
