قصيدة أبله ساره .. .. صادفت الاقدار انها تدرس
بنت حبيبها عندها.! ..
_____
يانوره.. بالله اسمعي لا تصدين
..يابنت حر ن مركزه بالصداره
شي جرالي قسم القلب قسمين
.وابلا ملامه افهمي للعباره
باول دوام المدرسه يوم الاثنين
معلمه في وجه باب الاداره
وقفت باللجنه على سادس اثنين
مثل المجند ينتظر للاشاره
هذي تنادي وهذي ابله انا وين
زحمه وتو اليوم باول نهاره
اصوت لبنتين وبيدي بنتي نوره،،
مضاوي عايشه،، مي،، ياره
وسمعت صوت رجع الوقت لسنين
صوت الذي اسمه بنقش السواره
" اختي عن اذنج ناقل البنت هالحين
تفضلي الاوراق و الاستماره"
عجزت لا اجاوب ولا ارمش العين
طول سكوتي وهو طال انتظاره
حسيت كن الدم مثل البراكين
شريان قلبي وصل حد انفجاره
ورفعت راسي وصارت العين بالعين
ولمحت في عينه سواة الشراره
هو،،هو والا واهمه يامسلمين
زوله ورفعة حاجبه مع سماره
لاماتغير فيه ياكود شيين
حف الشنب والشيب زاد بوقاره
اتلا علاقتنا ثلاثه وتسعين
باول حلاة العمر قبل انكساره
الشاهد الله ماحصل بيننا شيين
ولا يخدش احساس بنت وعذارا
نعم الحبيب اللي الطيب والزين
ونعم الرفيق اللي حفظ حق جاره
ياوجه ابوي الوجه مرحب وسهلين
لا يابعد روح ومعاليق ساره
ودي المه وودي اصيح بس وين
مثل الكسير اللي نشب وسط غاره
مايستطيع المشي من دون رجلين
وحوله جنودتشتهر بالشطاره
ياللاسف هالحين صرنا غريبين
حكم القدر واصدر علينا قراره
الهم والغربال والفقد والبين
..وانا اسيره تنتظر للزياره
ويلي علي لاماك ويلاه ياحسين
يامن يجمعنا واسوق البشاره
ساره..! وسكت له لحظة كنها سنين
واقفا واشوفه يوم شب الزقاره
رد
الحبيب رد على حبيبته المدرسه
ــــــــــ
يامرحبــا ياغايتــي يا هـلا ويــن...
يابنت عـودن فيه طيب ونعــاااره...
لا يابعـد كــل البنــات المزاييـــن...
يافرحت المظلوم يوم انتصااااره...*
من يوم ماغبتي وانا ماني بزين...
ضايق واحس القلب طال انتظااره..
دايم على بــالــي وانتي تمريــن..
واقول يفدوها جمييييع العذاااره....
لو الليالي ترجع لعشرررة سنين..
ماكان شفتي الشيب زاد بوقاااره..
لامانسيتـــك من ثلاثه وتسعيــن...
وشلون ابنسى حب واضح مساره..
تدرين شاللي هزني بيوم الاثنين..
واللي ذبح قلبـي باول نهــاااره...
زولــك "لمحتـه" يوم كنتي تمشين...
بين الصفوف اقبال باب الاداره...
وفز الخفووق وقلت ياربي تعيــن...
هي..هي..ولاهي شبيه لسااااره...
جيتك وقلت ابنقل البنت هالحيــن..
تفضلي الاوراااق والاستمــاااره...
طول سكاتك والبـلا العيـن بالعيـن...
ضقت واحس بضغط مدري حراره.
وخانتني الدمعه وطاحت من العين..
كني طفل يبكي مضيع ديــااااره...
بحط "بنتي"عندك بسادس ثنيـن...
عشان اكثـررر جيتي بزيــاااره...
واليا دخلتي الصف لازم تخشين..
"اسمي" لانه مسجلن بسوااااره..
وامانتــك انـك عليهــا تخــافيــن...
لحدن يضايقها بايت عبـــااااره..
بصارحك في شي يمكن تحسين...
ان الزمن اقفى علينا قطــاااااره..
انا سمعت ان اكبر عيالك "حسين"
وانتي أكيد انك سمعتي"بساااره"
ليست هناك تعليقات:
إرسال تعليق